Policia e Shkodrës ka dhënë informacion zyrtar në lidhje me plagosjen në qytetin verior të shtetasit Vladimir Bruçi.
Efektivët e Shkodrës shprehen se ngjarja ka ndodhur në lagjen “Partizani”, duke shtuar se po punohet për kapjen e autorit. Ndërsa, i plagosuri ndodhet në spital.
Njoftimi i policisë:
Shkodër/Informacion paraprak
Rreth orës 14:40, në lagjen “Partizani”, dyshohet se gjatë një konflikti, është dëmtuar me sende të forta, në kokë, shtetasi V. B., 62 vjeç, i cili po merr ndihmë mjekësore në Spitalin Rajonal Shkodër.
Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit.
Grupi hetimor, në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit.