Replika Lajme
Related Articles
Në vijën e frontit pranë qytetit Donetsk të kontrolluar nga Rusia në Ukrainën Lindore, një brigadë e artilerisë ukrainase qëllon raketa “Grad”. Komandanti i baterisë Mykola thotë se njësia e tij po i lëshon raketat 15 kilometra larg qytetit, ndërsa nuk ka asnjë përparim nga të dyja palët.
“Të dyja palët qëndrojnë në pozicionet e tyre, sepse siç e shihni, pranvera këtu do të thotë baltë. Kështu, është e pamundur të ecësh përpara,” tha ai.
25-vjeçari Volodymyr shtoi se moti nuk ndikon gjithsesi në goditjen e objektivave. “Qoftë shi, baltë apo borë, ne bëjmë punën tonë. Kur na jepet një objektiv, kjo do të thotë që duhet ta shkatërrojmë atë.”
Si forcat ukrainase ashtu edhe ato ruse pritet të nisin ofensiva të mëdha. Këto pamje me dron tregojnë se si shkatërrohen nga njësitë ukrainase tanket dhe automjetet e blinduara ruse në përpjekje për të kapur qytetin Vuhledar në lindje të Ukrainës.
Forcat e Moskës kanë bërë pak përparim duke për të rrethuar qytetin Bakhmut, por nuk kanë arritur të thyejnë linjat ukrainase në veri pranë Kreminës dhe në jug në pranë Vuhledar-it, ku kanë pësuar humbje të mëdha.
Vizitë surprizë në Kiev nga Sekretarja Amerikane e Thesarit, Janet Yellen që synon të ritheksojë mbështetjen e ShBA-së për Ukrainën në luftën e saj kundër pushtimit të Rusisë.Yellen u takua me presidentin Volodymyr Zelenskiy dhe zyrtarë të tjerë të rëndësishëm të qeverisë.
“Amerika do të qëndrojë me Ukrainën për aq kohë sa do të duhet,” tha Yellen, në zyrën e kryeministrit ukrainas Denys Shmyhal. Yellen njoftoi transferimin e 1.25 miliardë dollarëve të parë nga kësti i fundit i ndihmës prej 9.9 miliardë dollarë.
Ajo u tha gjithashtu gazetarëve se ka ende pengesa të rëndësishme ligjore për konfiskimin e plotë të 300 miliardë dollarëve asete të bankës qendrore ruse të ngrira nga sanksionet.
