Replika Lajme
Related Articles
Furnizimi me tanke amerikane Abrams në Ukrainë dhe ato gjermane “Leopard” është një plan i dështuar në aspektin teknologjik, aftësitë e tyre janë mbivlerësuar shumë dhe ata do të digjen” në Ukrainë si të tjerat, tha zëdhënësi i Kremlinit.
“Ne kemi përsëritur se këto tanke do të digjen si gjithë të tjerat, kushtojnë shumë dhe e gjithë kjo do të bjerë mbi supet e taksapaguesve europianë para së gjithash. Amerikanët, si gjithmonë, të paktën do të mbeten vetëm, “tha Dmitry Peskov.
Dhe duke komentuar lajmet për orën e Apokalipsit, ai theksoi se nuk ka asnjë shenjë lehtësimi, ka tensione shqetësuese.
“Është absurde të argumentohet se siguria e Europës mund të sigurohet nga vazhdimi i luftës në Ukrainë. Kievi është i përfshirë në organizimin e sulmeve terroriste,” theksoi ai.
Raportimet se SHBA dhe Gjermania po përgatiten të dërgojnë tanke të rënda në Ukrainë, në një lëvizje që do të forcojë përpjekjet e forcave të Kievit për të larguar pushtuesit rusë nga territoret e pushtuara, kanë shkaktuar zemërim në mediat shtetërore ruse.
Në fakt, Vladimir Solovyov i bëri thirrje Moskës të bombardonte Gjermaninë dhe Bundestagun në shenjë hakmarrjeje, duke përdorur retorikën e tij të zakonshme të pabazë për nazizmin.
Solovyov reacts to media reports that Olaf Scholz has decided to send Leopard 2 tanks to Ukraine
He urges Russia to carry out strikes on Germany so that Germans "know which new Nazi leaders they've raised and brought to power"
"You European Pharisees, you Nazi scumbags!" pic.twitter.com/FmSBTAkyY1
— Francis Scarr (@francis_scarr) January 24, 2023
Sipas një videoje të emisionittë postuar në mediat sociale nga gazetari i BBC-së, Francis Scarr, Solovyov tha se “gjermanët duhet të dinë se cilët liderë të rinj nazistë kanë ngritur dhe sjellë në pushtet”.
Dhe duke vazhduar delirin e tij, ai shtoi: “Bastardë nazistë!’ Në të njëjtën kohë, një raport i gazetës spanjolle El Pais thotë se qeveria e Pedro Sanchez po përgatitet të dërgojë tanke në Ukrainë.
Vendet që po përgatiten të dërgojnë tanke në Ukrainë janë: SHBA, Gjermani, Mbretëria e Bashkuar, Polonia, Norvergjia dhe Finlanda.
