Debati i Ramës me ambasadorin rus në OKB tërbon Kremlinin


Nga salla e Këshillit të Sigurimit në OKB, Kryeministri Edi Rama, në rolin e kryesuesit të debatit të nivelit të lartë, mbrojti deri në fund vendimin për të ftuar dhe për t’i dhënë fjalën Presidentit Ukrainas, Volodymyr Zelensky, vendim që solli një debat të fortë mes tij dhe përfaqësuesit të Rusisë në Këshill.

Debati në tryezën e OKB ka shkaktuar reagimin e fortë të Kremlinit, nga ku Zëdhënësja e Ministrisë së Jashtme Ruse, Maria Zakharova, e cilëson vendimin për prezencën e Zelenskyt si “goditje ndaj logjikës së vetë OKB”.

“Sigurisht, kjo është një goditje për vetë logjikën e OKB-së. Kjo natyrisht është një goditje jo vetëm për çështjet procedurale”, tha ajo në kanalin “Rusia-1”.

Zëdhësja ruse e konsideron takimin e nivelit të lartë të drejtuar nga Rama, një farsë tragjikomike me pjesëmarrjen e Zelenskyt, të cilin e quan një “personazh keqbërës të filmave amerikanë”.

“Tani aleati më i afërt i Shteteve të Bashkuara duket si Dr. Evil ose si të gjithë ata që kanë portretizuar rolin e keqbërësve më të tmerrshëm në filmat amerikanë. Dhe ai, në fakt, është i pranishëm në një farsë absolutisht tragjikomike, në një mbledhje të Këshillit të Sigurimit të OKB-së”, shtoi ajo.
Duke u ndalur te debati i përfaqësuesit rus me Kryeministrin Rama mbi prezencën e Zelenskyt, Zakharova tha se “përfaqësuesi ynë i përhershëm [Vasily Nebenzya] e ka argumentuar në mënyrë të përsosur gjithçka”.

Më tutje, Agjencia Shtetëroree lajmeve të Rusisë, Tass shkruan se “përfaqësuesi i përhershëm rus paralajmëroi kryeministrin shqiptar se në kushte të tilla rrezikon të njollosë presidencën shqiptare të Këshillit të Sigurimit”.

Check Also

Çfarë po ndodh sot me monedhat e huaja? Ja me sa po blihen dhe shiten dollari dhe euro

Sot, më 13 korrik 2024, dollari amerikan blihet me 91.4 lekë dhe shitet me 92.7 lekë. Euro blihet me …

Leave a Reply

Your email address will not be published. Required fields are marked *