Shefi i fushatës së Partisë Demokratike, Chris LaCivita ka ripostuar fotografinë e djalit të multimiliarderit, George Soros, Alex me kryeministrin Edi Rama.
LaCivita e shoqëron me shprehjen anglisht: “Kukulla dhe mjeshtri i kukullave”.
Një ironizim prej tij, që lë të nënkuptohet se Rama është një kukull që drejtohet nga familja Soros.
Ish-kryeministri Sali Berisha i është kundërpërgjigjur kryeministrit Edi Rama, pasi ky i fundit e ironizoi duke e krahasuar me bufin e kënetës.
Nga Kuvendi, Berisha tha se Rama ka “zbritur në gjuhën e kafshëve e shpendëve”, ndërsa ndau edhe një mesazh nga një qytetar.
“Më tha një qytetar, më dërgoi një mesazh dixhital dhe një fotografi. Më thotë: ‘Doktor, thuaju socialistëve të lexojnë pak për një shpend që quhet sqep këpucë, se atëherë do kuptojnë se çfarë po bën Edi Rama me ta’.” – deklaroi Berisha, duke u kërkuar qytetarëve të informohen vetë për këtë shpend.
Shpendi “sqep këpucë”, sipas studiuesve, ka ngjashmëri me dinosaurët prehistorikë dhe është cilësuar si një nga krijesat më të çuditshme të natyrës.
Më herët, kryeministri Rama publikoi një video me një buf, ku në mbishkrim thuhej “Do ta shkrijë SPAK-un”, duke ironizuar Berishën për deklaratën e tij kundër Prokurorisë së Posaçme. Ai e shoqëroi postimin me ikonat e një bufi dhe një mesazh të koduar: “Noc Rrokun”.
Gjatë seancës plenare në Kuvend, ku po diskutoheshin ndryshimet në Kodit Zgjedhor, kryedemokrati Sali Berisha akuzoi mazhorancën për luksin e ministrave të saj, duke iu referuar shpenzimeve të larta për verëra dhe ushqime.
Në një replikë me Niko Peleshin, kreun e grupit parlamentar të PS-së, Berisha tha:
“A nuk jeni ju partia e ministrave që porosisin biftek 1 mijë euro?”
Në atë moment ndërhyri ministrja Elisa Spiropali, duke e ndërprerë:
“Kjo nuk është pyetje që ka lidhje me projektligjin! Mos ta bëjmë qesharake seancën.”
Nga ana tjetër, Berisha vijoi akuzat duke e cilësuar qeverinë si përfaqësuese të një grupi që shpenzon shuma marramendëse, ndërsa qytetarët përballen me vështirësi ekonomike.
Arbër Veliaj, vëllai i Erion Veliaj do të jetë personi i parë që do takojë në dhomat e paraburgimit të Durrësit ish-kryebashkiakun e Tiranës. Përmes një leje të posaçme nga SPAK. Veliaj ka të drejtë të takohet me familjarët e tij.
Erion Veliaj u arrestua më 10 shkurt me urdhër të prokurorit të SPAK, Ols Dado, teksa pas konfirmit të masës së sigurisë nga Gjykata e Posaçme, ai u transferua nga Blloku i Sigurisë te “Mine Peza” në kryeqytet në paraburgimin e Durrësit.
Nga hetimi i SPAK ka rezultuar se Erion Veliaj dhe Ajola Xoxa kanë krijuar një skemë përfitimi ryshfetesh për pasurim personal përmes një numri organizatash dhe kompanish të kontrolluara prej tyre apo të afërmve të tyre dhe kanë përfituar së paku 1.1 milionë euro në nëntë raste. Veliaj akuzohet se ka përfituar tre vila në një fshat turistik në Qerret ndërsa Xoxa akuzohet se ka shpenzuar rreth 800 mijë euro në blerje online, të cilat nuk i ka deklaruar në deklaratat vjetore.
Pas një hetimi 1 vjeçar të SPAK, mbi Erion Veliajn janë ngritur akuzat për kryerjen e veprave penale “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”.
Djali i multimiliarderitx George Soros, Alex ka publikuar një fotografi me kryeministrin Edi Rama.
Teksa ndodhen të dy në Konferencën e Sigurisë në Mynih, ata janë takuar sërish bashkë dhe këtë gjë e ka bërë me dije vetë Alex Soros duke e ngarkuar në Instagram.
Në mesazhin e tij, Soros thekson se po e ripublikon foton për shkak të kërkesave te shumta që ka marrë. “Rikthim për shkak të kërkesave popullore” – shkruan Alex Soros teksa ka bere tag adresën e kryeministrit shqiptar.
Kryeministri Edi Rama ka reaguar pas deklaratës së të dërguarit të posaçëm të presidentit amerikan Donald Trump, Richard Grenell, lidhur me mbajtjen e ish-presidentit të Kosovës, Hashim Thaçi, në Hagë.
Grenell, përmes një postimi në platformën “X”, e cilësoi si një padrejtësi faktin që Thaçi dhe ish-krerët e UÇK-së ndodhen ende në paraburgim, duke theksuar se evropianët kanë dështuar të veprojnë për këtë çështje gjatë pesë viteve të fundit.
Kryeministri Rama e mbështeti këtë deklaratë, duke e quajtur qëndrimin e gjatë të Thaçit në Hagë një “njollë në organin ndërkombëtar të drejtësisë”.
Kjo nuk është hera e parë që Rama shpreh shqetësimin e tij për këtë çështje, duke kërkuar një proces të drejtë dhe të shpejtë për ish-krerët e UÇK-së.
Kryeministri Edi Rama ka ironizuar kreun e PD-së, Sali Berisha, pas deklaratave të tij se do të shkrijë SPAK-un nëse opozita vjen në pushtet. Rama publikoi një video të një bufi në rrjetet sociale, duke e shoqëruar me mesazhin “Do ta shkrijë SPAK-un”, duke lënë të nënkuptohet se kjo ishte një përpjekje për të tallur Berishën.
Në përshkrimin e videos, Rama ka përdorur disa ikona dhe ka shkruar në mënyrë të gërmuar “Noc Rrokun”, duke nënkuptuar një mesazh të fshehur dhe përpjekjen për të ironizuar liderin e opozitës. Kryeministri në një deklaratë më herët ka deklaruar se PD nuk ka shanse të shkrijë SPAK-un, pasi shqiptarët nuk do ta votojnë në zgjedhjet e 11 majit.
Rama theksoi se drejtësia duhet të bëjë punën e saj në pavarësi të plotë dhe nuk do të bëjë avokatinë për asnjë individ. Ai shtoi gjithashtu se është koha për të ngritur zërin për standardet demokratike në proceset gjyqësore.
Deputeti Dashnor Sula ka bërë akuza të forta, duke nxjerrë një fustan të markës për të ilustruar se ku kanë shkuar paratë e taksapaguesve shqiptarë. Ai tha se fustani që ishte shumë i shtrenjtë, 45 mijë lekë të vjetra, është një shpenzim i padrejtuar dhe kërkoi që SPAK të hetojë jo vetëm për shpenzimet e bashkëshortes së kryebashkiakut Erion Veliaj, Ajola, por edhe për shumë raste të tjera.
Sipas tij shumë zonja nga mazhoranca mund ta veshin një fustan të tillë që kushton 45 mijë lekë të vjetra dhe s’e kanë për turp.
Dashnor Sula: Ja ku kanë shkuar paratë e shqiptarëve. Bëjnë shpenzime që ‘e kanë nga aktivitete e tyre, por nga aktiviteti publik i bashkëshortëve. Unë e di që shumë zonja nga mazhoranca mund ta veshin një fustan të tillë që kushton 45 mijë lekë të vjetra dhe s’e kanë për turp.
Por, ka zonjë që konkurrojnë me koleget që të kenë vlera sa më të larta. Këto gratë e këtyre, e duan 2000-3000 euro dhe shumë e shumë çmime të tjera të larta. SPAK-ut i kërkoj që të mos merret vetëm me fustanet e bashkëshortes së Veliajt, por edhe me 5D e shumë të tjera. S’kishim dëgjuar kurrë që taksat e qytetarëve të Tiranës, t’i përdor kryebashkiaku me bandën kriminale.
Nuk ngopeni o njerëz, po ndaloni mo, lakuriq kemi ardhur, ashtu do ikim!
Ministri i Shtetit për Marrëdhëniet me Parlamentin, Taulant Balla, ka hedhur akuza ndaj opozitës, duke e pyetur se pse po heshtin për raportin e fundit të Departamentit Amerikan të Shtetit (DASH) për “Indeksin e Perceptimit të Korrupsionit”.
“Pse jeni sot si pula të lagura, se nuk lini raport të DASH pa përmendur? Si ka mundësi që këtë raport për pastrimin e parave nuk dëgjova ta përmendni?”, tha Balla.
Ai ka theksuar gjithashtu se opozita ka shmangur të flasë për dhëndrin e një ish-kryeministri, i cili kishte fituar 5 milionë euro, një çështje që ai e konsideron të rëndësishme për debatin publik.
Kryeministri Edi Rama ka reaguar pas deklaratave të kreut të PD, Sali Berisha, i cili paralajmëroi shkrirjen e Prokurorisë së Posaçme (SPAK). Gjatë një bashkëbisedimi me qytetarët në rubrikën “Sy m’Sy”, Rama theksoi se opozita nuk mund të ndikojë në punën e drejtësisë dhe nuk ka asnjë mundësi për të ndryshuar strukturën e SPAK.
“Opozita nuk ka çfarë i bën SPAK-ut! Nuk kanë për të marrë votën dhe nuk kanë asnjë mundësi të ndikojnë në drejtësinë e re. Drejtësia duhet të bëjë punën e saj në pavarësi të plotë, dhe ne nuk bëjmë avokatinë e askujt,” tha Rama.
Megjithatë, kreu i qeverisë theksoi se tashmë është koha për të ngritur zërin mbi standardet demokratike të proceseve që po zhvillon drejtësia. Deklarata e tij vjen në një moment të tensionuar politik, me akuzat dhe kundërakuzat mes mazhorancës dhe opozitës lidhur me çështjet e drejtësisë dhe hetimet në SPAK.
Edi Rama: Tani vijmë tek përgjegjësia. Mësoje nga unë se jeta është e gjatë dhe mund te të duhet. Edhe ne një familje, lere pastaj ne një organizate, kompani, parti a shtet te tere, përgjegjësia e shkeljes se ligjit nuk është dot kolektive, është vetëm individuale.
Ndërsa moralisht familja, organizata, partia apo vete qeveria, mbajnë përgjegjësi për si reagojnë ndaj rastit kur dikush nga anëtarët e tyre shkelin ligjin. Deri para se te behej Reforma ne Drejtësi, reagimi ishte marrja në mbrojtje dhe pengimi me çdo mjet i drejtësisë dhe linçim publik i njerëzve të drejtësisë. Ata qe duan ta kthejnë përmbys reformën janë ende mes nesh, përballe nesh, me përbetimin publik se ne 11 maj po u dhatë votën do reagojnë duke e shkrire fare SPAK-un. Natyrisht, s’kanë për të marrë votën dhe SPAKU-t s’kanë çfarë i bëjnë fare.
Nga ana tjetër, ne mbetemi te palëkundur ne mbështetje të drejtësisë së re dhe reagimi ynë është drejtësia te bëjë punën e vet ne pavarësi të plote dhe ne nuk bëjmë avokatinë e asnjë individi, për rastin e vet konkret, por ama tani ka ardhur koha të ngremë zërin për standardet demokratike te proceseve. Sepse pavarësia e drejtësisë shqiptare u arrit. Për herë të parë në histori, ndërsa drejtësia europiane që duam për Shqipërinë 2030 është një drejtësi, ku pavarësia nuk mundet kurrsesi të kthehet në asnjë rast në shqelm ndaj standardeve demokratike, lirive e te drejtave te çdo individi. Pavarësi, profesionalizëm dhe garanci kushtetuese e ligjore për çdokënd që hetohet e gjykohet, po kurrsesi nuk duhet të poshtërohet në pazar e të merret peng pa gjyq dhe të tërhiqet zvarrë nëpër kanalet e lumit mediatik dhe politik me nxitje dhe ushqim nga brenda burimeve të drejtësisë.
Historia na i mëson të gjitha, mjafton të duam të mësojmë historinë.
Dhe unë të ftoj të bësh atë që bëj unë, të mësosh historinë.
Deputeti i Partisë Demokratike, Gazment Bardhi, ka kërkuar thirrjen në seancë të ministrit të Brendshëm, duke e akuzuar atë për mashtrim dhe keqinformim lidhur me tubimin e mbështetësve të Erion Veliajt para SPAK. Sipas Bardhit, Policia e Shtetit nuk vetëm që nuk ka ndërhyrë për të ndaluar protestën, por ka refuzuar edhe thirrjen e Gardës së Republikës për të garantuar sigurinë.
“Ministri i Brendshëm në seancën e kaluar gënjeu pa turp, duke na dhënë informacione të rreme se Policia nuk kishte dijeni për prezencën e turmës para SPAK. Ndërkohë, SPAK dhe GJKKO kanë konfirmuar se kishin njoftuar për cenimin e ambienteve të sigurisë dhe Policia e Shtetit, jo vetëm që nuk ka bërë detyrën, por ka refuzuar thirrjen e Gardës së Republikës,” – u shpreh Bardhi.
Ai e cilësoi të papranueshme justifikimin e Policisë se tubimi ishte spontan, duke theksuar se, nëse ishte i tillë, atëherë ai konsiderohet i paligjshëm.
“Qëllimi ishte një: që Edi Rama me punonjësit e administratës i kërcënon jetën çdo prokurori dhe gjyqtari që jep vendime pa e pyetur. Zonja kryetare, thërrisni në seancë ministrin të japë llogari,” – përfundoi Bardhi, duke kërkuar shkarkimin e ministrit të Brendshëm.
Ish-kryeministri Sali Berisha ka komentuar sot (17 shkurt) çështjen e kryebashkiakut të Tiranës, Erion Veliaj, duke deklaruar se po tentohet të manipulohet opinioni publik dhe të fshihet përfshirja e tij në afera korruptive.
Gjatë një deklarate për mediat pas paraqitjes së tij në SPAK, Berisha akuzoi propagandën qeveritare se po përpiqet ta devijojë çështjen e Veliajt, duke e paraqitur në një dritë të shtrembëruar.
“Po bëhet gjithçka nga propaganda qeveritare për ta katandisur çështjen tek të brendshmet dhe të jashtmet e Jolkës. Kjo është një mashtrim i madh që u serviret shqiptarëve,” tha Berisha.
Ai theksoi se Veliaj dhe familjarët e tij kanë krijuar dhjetëra kompani për të përfituar fonde publike, duke vjedhur jo vetëm paratë e qytetarëve shqiptarë, por edhe fonde të taksapaguesve amerikanë dhe europianë.
“Erion Veliaj, çfarë do të fshehë propaganda e qeverisë? Ajo po përpiqet të fshehë dhjetëra kompani të krijuara nga familjarët e Ajolës dhe Erionit. Kompani si BYLI, Eventi, Muza, Shizi dhe shumë të tjera kanë marrë fonde nga Bashkia e Tiranës, qeveria dhe ministritë përkatëse,” u shpreh Berisha.
Berisha akuzoi qeverinë për ndërhyrje në drejtësi dhe sulm ndaj institucioneve, duke e krahasuar këtë situatë me skenarë kriminalë të së kaluarës.
“Në historinë e botës ka vetëm dy raste: ai i Eskobarit dhe ai i ‘Ediskobarit’. Protesta e djeshme shtetërore, e organizuar nga qeveria, ishte një grusht shteti brenda shtetit,” deklaroi ai, duke iu referuar protestës së organizuar nga punonjës të Bashkisë së Tiranës para SPAK.
Ai akuzoi drejtpërdrejt kryeministrin Edi Rama dhe Erion Veliajn, duke thënë se kanë vjedhur fonde nga organizata ndërkombëtare dhe duhet të japin llogari për këtë.
“Edi Rama, jep dorëheqjen dhe ktheji mbrapsht paratë e vjedhura nga USAID dhe BE! Shqiptarët nuk do të paguajnë për vjedhjet tuaja,” përfundoi Berisha.