Replika Lajme
Related Articles
Presidenti i SHBA Joe Biden pretendoi në një intervistë të publikuar sot se kundërshtari i tij republikan, Donald Trump, do të kundërshtonterezultatin e zgjedhjeve presidenciale të nëntorit nëse nuk i fitonte ato.
“Unë mendoj se ai do të bëjë gjithçka për të fituar. Nëse unë fitoj – kur të fitoj, mendoj se ai do të sfidojë rezultatin”, tha presidenti 81-vjeçar demokrat në një intervistë me një reporter të revistës New Yorker.
“Unë jam i vetmi që e kam mposhtur. Dhe unë do ta bëj sërish”, shtoi Biden.
Por Biden është jopopullor, mosha e tij shqetëson votuesit dhe shumë sondazhe të fundit i japin Trumpit epërsinë në qëllimin e votuesve. Megjithatë, ai vë bast se mesazhi qendror i fushatës së tij, ai i mbrojtjes së demokracisë dhe paqes sociale, do të mbizotërojë.
“Si mund ne, në një demokraci, të zgjedhim dikë si president që thotë se dhuna është e pranueshme?” tha ai.
Presidenti kritikoi gjithashtu qëndrimin e medias, për të cilën ai thotë se nuk projekton kërcënimin autoritar që përfaqëson Trump.
“Është sikur të gjithë jeni bërë indiferentë”, shtoi ai.
