Siguronte kanabis dhe më pas i shiste në doza, policia vendos në pranga 36-vjeçarin

Policia e Tiranës ka arrestuar në kryeqytet Mir Ndoj.

36-vjeçari rezulton pjesëtar i një grupi kriminal që kultivon, prodhon dhe shet kanabis. Ai ishte shpallur në kërkimi 5 ditë më parë në rrugën e fshatit Balldre, gjatë ekzekutimit të operacionit ‘Vakum’, ku për shkak të errësirës kishte shpëtuar.

Gjatë operacionit, policia kapi në flagrancë bashkëpunëtorin e tij me 34 kg kanabis.

David Ndoj u ndalua në momentin kur po fuste automjetin në oborrin e banesës së vjehrrit të bashkëpunëtorit të tij, në tentativë për të fshehur drogën.

Njoftimi i policisë

5 ditë më parë, në fshatin Balldren, transportonte rreth 34 kg kanabis, në bashkëpunim me një shtetas tjetër (i arrestuar), kapet në Tiranë dhe vihet në pranga 36-vjeçari.

Këta 2 shtetas, pjesëtarë të një grupi kriminal që kultivonte, prodhonte dhe shiste kanabis, në Lezhë.

Shërbimet e Drejtorisë Vendore të Policisë Lezhë, bazuar në informacionet e siguruara nga inteligjenca informative, për vendndodhjen e një shtetasi të shpallur në kërkim në kuadër të operacionit të koduar “Vakumi”, kanë bashkëpunuar me shërbimet e Komisariatit të Policisë Nr. 3, Tiranë, për lokalizimin dhe kapjen e tij. Si rezultat, u kap në Tiranë ndërkohë që udhëtonte me taksi dhe u vu në pranga shtetasi:

M. N., 36 vjeç, banues në Lezhë.

Ky shtetas ishte shpallur në kërkim pasi dyshohet se 5 ditë më parë, në rrugën e fshatit Balldre, në bashkëpunim me shtetasin D. N. (i cili u arrestua në flagrancë), po transportonte rreth 34 kilogramë lëndë të dyshuar narkotike cannabis sativa, por gjatë ndërhyrjes nga shërbimet e Policisë, duke përfituar nga errësira dhe nga njohja e terrenit, ka mundur të largohet.

Vijon puna për kapjen e shtetasve të shpallur në kërkim në vijim të këtij operacioni.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.