Policia e Durrësit ka arrestuar një 17-vjeçar të identifikuar si A.K., banues në Sukth, i cili ishte shpallur në kërkim për shkak të një konflikti që ndodhi më 7 janar 2025, në fshatin Kullë, Durrës. Sipas autoriteteve, i riu kishte qëlluar me armë zjarri në ajër gjatë një zënke me bashkëmoshatarin e tij, H.M., për motive të dobëta.
Pas veprimeve hetimore dhe kontrolleve intensive, policia arriti të kapë të riun dhe të sekuestrojë në cilësinë e provës materiale armën e zjarrit, një pistoletë, me të cilën ai dyshohet se ka kryer veprimin.
Materialet procedurale i janë referuar Prokurorisë së Durrësit për ndjekje të mëtejshme, ndërsa ndaj 17-vjeçarit rëndojnë akuzat për “Prishje të qetësisë publike” dhe “Mbajtje pa leje dhe prodhim të armëve, armëve shpërthyese dhe municionit”.