111 vjetori i themelimit të Forcave të Armatosura të Shqipërisë, Begaj: Përulemi nderojmë dhe jemi mirënjohës për shërbimin

Presidenti i Republikës, Bajram Begaj uroi Forcat e Armatosura të Shqipërisë për 111-vjetorin e themelimit.

Në një mesazh të posaçëm në profilin zyrtar në facebook, Presidenti Begaj shprehet se Forcat e Armatosura janë krenari kombëtare që kanë arritur me sukses të mbajnë lart flamurin dhe emrin e Shqipërisë.

Begaj vlerësoi angazhimin e tyre në një sërë misonesh dhe operacionesh për paqen dhe sigurinë në vend, rajon dhe në botë, si dhe përmbushjen e detyrave me dinjitet, përkushtim dhe profesionalizëm.

Në cilësinë e Komandantit të Përgjithshëm të Forcave të Armatosura, ai u shpreh gjithashtu se angazhimi i ushtarakëve ndaj Atdheut, Nderit dhe Detyrës mbetet i shenjtë dhe mbështetja e shoqërisë për Forcat e Armatosura do jetë e pakursyer.

“Në këtë ditëlindje të 111-të të tyre ne përulemi, nderojmë dhe jemi mirënjohës për shërbimin, kontributin dhe sakrificat e të gjithë efektivëve që kanë shërbyer dhe vazhdojnë të shërbejnë në Forcat e Armatosura”, shkruan Presidenti Begaj në këtë përvjetor të themelimit të Forcave të Armatosura të Shqipërisë.

Check Also

Shqiptari punonte si shofer në Amazon, u kap duke “shpërndarë” drogë me vlerë 160 mijë paund

Një 44-vjeçar shqiptar është arrestuar në Angli, pasi kishte fshehur drogë me vlerën 160 mijë …

Leave a Reply

Your email address will not be published. Required fields are marked *