VIDEO/ Festë kuqezi në Europë! Lille ‘pushtohet’ nga simbolet shqiptare falë Zhegrovës
Me flamurin shqiptar dhe plis është festuar në dhomat e zhveshjeve të Lil triumfi ndaj Atletikos së Madrid.
Edon Zhegrova dhuroi një tjetër performancë magjike duke shënuar edhe në portën e skuadrës spanjolle për ta kthyer festën në legjitime.
Atmosferë e jashtëzakonshme te skuadra franceze, me sulmuesin 25-vjeçar që shtyu edhe shokët e skuadrës për të krijuar me duar simbolin e shqiponjës.
Zhegrova po përjeton një nga momentet më të mira të karrierës, duke lënë gjurmë edhe në kompeticionet Europiane. Në total, lojtari i përfaqësueses së Kosovës ka shënuar 4 gola e dhënë një asist, gjithsesi cilësitë që zotëron vënë në vështirësi mbrojtësit kundërshtarë.