Replika Lajme
Related Articles
Është arrestuar pak minuta më parë autori që plagosi efektivin e forcave “Shqiponja”.
Autori i plagosjes së inspektorit Edlir Alleshi, pjesë e patrullës së forcave ”Shqiponja”, Klered Bozhanaj ka rënë në prangat e policisë.
Mësohet se gjatë arrestimit autori nuk ka bërë rezistenc dhe është kapur në befasi në zonë pranë banesës së tij.
Bëhet me dije se autori gjatë arrestimit kishte edhe armë me vete që kreu plagosjen ditë e djeshme.
Reagim i Ministrit të Brendshëm, Taulant Balla:
Përgëzoj Policinë e Shtetit për arrestimin e autorit të plagosjes së efektivit të shqiponjave mbrëmjen e djeshme në Tiranë.
Është momenti të kujtoj se kush nuk i bindet urdhërit/thirrjes së ligjshme të policit, ose më rëndë akoma e kundërshton me forcë, guxon ta fyejë, ta agresojë, ta kanosë, ta godasë apo larg qoftë t’i rrezikojë jetën në ushtrim të detyrës apo për shkak të detyrës, duhet ta ketë të qartë që toleranca do të jetë ZERO.
Do bëj gjithçka që një politikë/praktikë e re penale të zërë vend në këtë drejtim, duke kërkuar mbështetjen e sistemit të drejtësisë. Kuadri ligjor është aty në Kodin Penal (me ndryshimet që kam mbështetur vetë në Kuvend në vitin 2019) dhe në ligjin për Policinë Shtetit.
#vetëmpërpara➡️ 🇦🇱
