Replika Lajme
Related Articles
Pas më shumë se 30 vjetësh presidenti malazez Milo Gjukanoviç ikën nga pushteti . Ai nuk mundi që të sigurojë fitoren në balotazhin e së dielës. Ish-ministri i ekonomisë i Malit të Zi Jakov Milatoviç siguroi 58.9% të votave, kundrejt 41.1% të votave të marra nga nga Milo Gjukanoviç duke i dhënë fund më shumë se tre dekadave të sundimit të tij në republikën e vogël ballkanike.
Milatovic, 37 vjeç, i arsimuar në Perëndim, nënkryetari i lëvizjes Evropa Tani, bëri fushatë me premtime për të frenuar korrupsionin, për të përmirësuar standardet e jetesës dhe për të forcuar lidhjet me Bashkimin Evropian dhe ish-republikën jugosllave Serbinë.
JAKOV MILATOVIÇ FITUES I I ZGJEDHJEVE PRESIDENCIALE: Së bashku me të gjithë qytetarët e Malit të Zi , ne i kemi thënë një lamtumirë vendimtare krimit dhe korrupsionit dhe lidhjes së krimit dhe korrupsionit me politikën. Kurrë më. Mali i Zi po shkon përpara, drejt barazisë, në një vend drejtësie, besimi dhe uniteti, në Malin e Zi evropian . Prandaj dua të them këtu, si president i Malit të Zi së bashku me të gjithë ne në pesë vitet e ardhshme do ta sjellim Malin e Zi në Bashkimin Evropian.
Udhëheqësi jetëgjatë në pushtet Gjukanoviç pranoi humbjen ndaj ish-ministrit të ekonomisë Jakov Milatoviç në balotazhin e zgjedhjeve presidenciale.
MILO GJUKANOVIQ PRESIDENTI I MALIT TË ZI: Zgjedhjet presidenciale në Mal të Zi kanë përfunduar. Mali i Zi e bëri zgjedhjen e tij dhe unë e respektoj atë. Përgëzoj Jakov Milatoviq për besimin që mori në zgjedhje. Uroj që ai të jetë një president i suksesshëm sepse nëse ai është një president i suksesshëm që mund të nënkuptojë se Mali i Zi do të jetë një komb i suksesshëm dhe do të vazhdojë të ecë drejt qëllimit të tij. Unë do të bëj më të mirën që në vazhdimin pa marrë parasysh se pikëpamja ime për opsionin që zgjodhi Mali i Zi në këto zgjedhje ishte shumë më kritik se ai i mbajtur nga shumicës së malazezëve
Gjukanoviç ka dominuar Malin e Zi si president apo kryeministër për 33 vjet që nga fillimi i kolapsit të Jugosllavisë federale. Ai e udhëhoqi Malin e Zi drejt pavarësisë nga një bashkim shtetëror me Serbinë në 2006 dhe drejt anëtarësimit në NATO në 2017. Vendi është gjithashtu një kandidat për t’u bashkuar me Bashkimin Evropian.
Kundërshtarët akuzojnë Partinë e tij Demokratike të Socialistëve (DPS) për korrupsion, lidhje me krimin e organizuar dhe drejtimin e republikës së vogël të Adriatikut si feudin e tyre akuza që ata mohojnë.
Nga ana tjetër mbështetësit e ish-ministrit të ekonomisë së Malit të Zi , Jakov Milatoviç dolën në rrugët e Podgoricës për të festuar fitoren e tij në zgjedhjet presidenciale. Votuesit kaluan me makinë nëpër kryeqytetin e Malit të Zi , duke i rënë borive ndërsa të tjerët hoshën fishekzjarre.
Votimi i së dielës pason një vit paqëndrueshmërie politike në të cilën dy qeveri u rrëzuan nga votat e mosbesimit. Ajo u shënua gjithashtu nga një mosmarrëveshje midis ligjvënësve dhe Gjukanoviç rreth refuzimit të tij për të emëruar një kryeministër të ri.
