Reagimet për protestën/ Këlliçi ironizon diplomatët: Keni nisur punë te zyra e Veliajt apo jeni kthyer në policë bashkiakë
Drejtuesi politik i PD-së për Tiranën Belind Këlliçi, duke komentuar reagimet e diplomatëve pas protestës së opozitës, tha se me përjashtim të deklaratës së Ambasadës së SHBA, reagimet e tjera kanw qenw zhgwnjyese. Në një intervistë për Syri TV, Këlliçi ka ironizuar reagimet e ambasadorëve të tjerë, duke u shprehur nuk e di nëse ata kanë nisur punë në zyrën e shtypit të Erjon Veliajt, apo janë kthyer në Policë Bashkiakë.
“Ata me qëndrimin e tyre u shfaqën si mbrojtës të një hajduti që ndodhet në Bashkinë e Tiranës. OSBE flet për dhunën, ndërkohë nuk thotë asnjë fjalë për ‘5D’, e cila jo vetëm ka vjedhur paratë publike, por ka blerë edhe vota në 14 maj, duke deformuar vullnetin e zgjedhësve. Pra këta vjedhin fondet publike në njërën anë, pastaj blenë vota për të vijuar vjedhjen e fondeve publike, dhe ky rreth vicioz duhet të marrë fund”, tha Këlliçi.