Si të ftohni makinën pa hyrë brenda? Zbulohet truku i telekomandës që po bën bujë në rrjete sociale

Me rritjen e temperaturave gjatë verës, drejtimi i një automjeti të nxehtë mund të kthehet në një sfidë serioze. Brenda një makine të parkuar në diell, temperaturat mund të kalojnë lehtësisht 40°C, duke e bërë hipjen në të një përvojë të pakëndshme dhe të rrezikshme për shëndetin.

Për këtë arsye, një video virale ka tërhequr vëmendjen e mijëra shoferëve në rrjete sociale. Një nga instruktorët e kësaj shkolle ka ndarë një truk të thjeshtë dhe shumë efektiv për të ajrosur dhe ftohur makinën përpara se të hipni brenda dhe nuk kërkon as hapjen e derës.

Sipas tij, shumë automjete moderne kanë një funksion të fshehur në telekomandën e hapjes. Nëse butoni i hapjes mbahet i shtypur për disa sekonda, të gjitha dritaret e makinës hapen automatikisht, duke lejuar ajrin e nxehtë të largohet dhe duke ulur ndjeshëm temperaturën e brendshme të automjetit.

Instruktori e demonstron qartë këtë në video, duke shpjeguar:

“Në një ditë të nxehtë, nëse dua të ajros makinën pak para se të hyj brenda, thjesht mbaj të shtypur butonin e hapjes në çelës, dhe dritaret ulen automatikisht. Nuk kam nevojë të hyj brenda për ta bërë këtë.”

Ky funksion, i pranishëm në shumë makina të prodhuara vitet e fundit, nuk është i njohur për të gjithë, pasi nuk përmendet gjithmonë në manualin e përdorimit, por mund të jetë shpëtimtar në ditët me vapë ekstreme.

Shoferët këshillohen që të kontrollojnë nëse makina e tyre mbështet këtë veçori, përmes manualit ose duke e testuar vetë me kujdes. Për të shmangur dëmtimet nga nxehtësia dhe për ta bërë udhëtimin më komod, ky truk mund të jetë një zgjidhje e shpejtë dhe efikase. Në një kohë kur valët e të nxehtit janë gjithnjë e më të shpeshta, teknologji të tilla të thjeshta por praktike po ndihmojnë drejtuesit e mjeteve të përballen më lehtë me sfidat e verës.