Artisti francez krijon një kopje të “fëmijës” të Kullës Eiffel
Kur një Kullë e dytë Eifel u shfaq në parkun Champs de Mars të Parisit në ditën e 1 prillit, dhe imazhi u shpërnda në mediat sociale, shumë menduan se ishte një shaka.Por “Eiffela”, siç u pagëzua kopja prej 32 metrash dhe 23 tonësh, është po aq e vërtetë sa origjinali.Ideja erdhi nga krijuesi i eventeve Philippe Maindron, i cili tha se u desh një vit për të realizuar projektin.
“Unë pata një ëndërr – që Kulla Eifel të kishte një “fëmijë,” u shpreh Philippe Maindron
“Eiffela” u montua brenda natës dhe u zbulua për publikun ,duke qëndruar pikërisht përballë Kullës Eiffel 330 metra të lartë.Një e dhjeta e madhësisë së origjinalit dhe e ndërtuar në shkallë, kopja e hekurit përbëhet nga 3,900 copa të mëdha dhe 9,000 copa metalike më të vogla.
“Vizualisht, të gënjen , sepse varet nga cili kënd e shikojmë, kemi përshtypjen se shohim dy kulla Eifel, ose një kullë Eifel të vogël dhe një të madhe,kjo është një ide e perspektivës që kemi në hapësirë, në 3D”, deklaroi ai.
Më shumë se 50 kopje ose derivate të Kullës Eifel ekzistojnë në mbarë botën, nga Las Vegas në Shenzhen.Pas ekspozitës së saj dy-javore në Paris, ‘Eiffela’ e Maindron do të udhëtojë jashtë Francës, së pari në një udhëtim detar përtej Atlantikut.