Vihen në pranga gjashtë shqiptarë në Itali / Akuzat trafik droge dhe tentativë vrasje
Gjashtë shqiptar janë arrestuar pasi akuzohen për trafik të lëndëve narkotike dhe për tentativë vrasje. Mediat italiane shkruajnë se të ndaluarit janë të njohur për policinë dhe gjatë këtij aksioni është bërë i mundur sekuestrimi i një pistolete, 11 kilogramë kokainë (në një vlerë tregu afërsisht dy milionë e 650 mijë euro), materiale të ndryshme telematike dhe sekuestrimi parandalues i një makine, me gjasë e përdorur për transportin e drogës dhe për arratisjen e kriminelët pas të shtënave.
Autoritetet italiane kanë dhënë masën e sigurisë arrest me burg për 4 nga të arrestuarit dhe arrest shtëpie për 2 të tjerë. Masat e sigurimit janë dhënë me kërkesë të prokurorëve Luisa Serranti dhe Chiara Contesini. Aktiviteti hetimor i karabinierëve, i koordinuar nga prokuroria, nisi më 13 nëntor të kaluar, kur dy telefonata në numrin e urgjencës 112 raportuan britma dhe të shtëna armësh që vinin nga një ndërtesë në via Lima, në zonën Anchione, në Ponte Buggianese.
Menjëherë pasi shkoi në vendin e ngjarjes policia nuk gjeti asnjë detaj, dhe më pas ato identifikuan të plagosurin me armë zjarri dhe shokët e tij në urgjencën e spitalit Pescia, ku dyshimet e para ishin pazaret e drogës.