U rrezikua jeta e qytetarëve”/ Bardhi u qëllua me breshëri kallashnikovi, plumbat “kapën” 3 të tjerë

Një ngjarje e rëndë ka tronditur sot qytetin e Rrëshenit.

Të shtëna me armë zjarri janë shënuar në qendër të qyetit ku si pasojë, ka mbetur i vdekur  Martin Bardhi, 62 vjeç. Mësohet se viktima është ekzekutuar me breshëri kallashnikovi, pranë spialit të qytetit për motive hasmërie.

Ndërkohë mësohet se atentatorët kanë hapur zjarr ndaj turmës ku ndodhej viktima, dhe për pasojë kanë mbetur të plagosur tre persona.

Njoftimi i Policisë:

Rrëshen/Informacion shtesë

Në vijim të informacionit të dhënë në lidhje me ngjarjen e ndodhur në Rrëshen, ku nga shtetas ende të paidentifikuar, u vra me armë zjarri shtetasi M. M. (B.)., ju informojmë se si pasojë e të shtënave, kanë mbetur të plagosur me armë zjarri, shtetasit I. B., I. B. dhe O. Gj., të cilët kanë qenë në afërsi të vendit ku ka ndodhur ngjarja dhe janë transportuar në spital, për të marrë ndihmën mjekësore.

Ndërkohë, në fshatin Gëziq, Mirditë, është konstatuar duke u djegur një automjet tip fuoristradë, që dyshohet se është përdorur nga autorët, për kryerjen e vrasjes.

Forca të shumta policie kanë rrethuar zonën dhe në ndihmë të Policisë lokale, janë nisur Forcat Speciale “RENEA” dhe FNSH, si dhe në Rrugën e Kombit, në drejtim të Kukësit, të Laçit, Lezhës dhe Dibrës, janë ngritur pika kontrolli.

Gjithashtu, drejt vendit të ngjarjes janë nisur Zv/drejtori i Përgjithshëm i Policisë së Shtetit dhe drejtorët e departamenteve të Policisë Kriminale, si dhe të Rendit dhe Sigurisë Publike.

Për zbardhjen e kësaj ngjarjeje është ngritur një grup i posaçëm hetimor, me specialistë nga Departamenti i Policisë Kriminale në DPPSH dhe nga Policia vendore, dhe në drejtimin e prokurorit, vijon puna intensive për identifikimin dhe kapjen e autorëve.