U ekzekutua me armë zjarri në Fier, publikohet fotoja e viktimës, Elton Javori
Replika.al ka siguruar foton e 41-vjeçarit që u vra sot në Fier. Elton Javori u qëllua për vdekje me armë nga Agim Gashi. Paraprakisht mësohet se viktima Elton Javori dhe dhe autori i dyshuar Agim Gashi kishin pasur një sherr disa ditë me parë, për motive ende të paqarta, konflikt gjatë të cilit ka pasur ofendime midis palëve.
Autori i dyshuar, Agim Gashi e ka pritur Elton Javorin pranë banesës së tij dhe sapo ai është nisur me automjetin tip “ Porche” e ka ndjekur me automjetin tip “ Benz” duke i dalë paralel. Dyshohet se në momentin kur viktima ka ulur xhamin e makinës është qëlluar me pistoletë për vdekje viktimën.
Pasi autori ka qëlluar është larguar menjëherë pa ndaluar fare, ndërsa 41-vjeçari i plagosur ka ecur disa metra me makinë.