U dënua për vrasjen e 50-vjeçarit në Fier, Fatmir Hoxha lirohet nga burgu pas 3 vitesh dënim
Fatmir Hoxha, i akuzuar për vrasjen e 50-vjeçarit Ahmet Toska më 26 tetor 2020 në lagjen “Sheq i Madh”, në Fier, është liruar sot nga burgu.
Ai ka fituar pafajësinë pas rigjykimit të kësaj çështje nga gjykata e Fierit dhe një riekspertimi të provave (pamje filmike të kamerave të sigurisë, veshjet,etj) që rrezonin akuzat për autorësinë e tij, dhe nuk ka prova bindëse që vrasja është kryer prej tij.
54-vjeçari Fatmir Hoxha ka lënë pasditen e sotme ambientet e burgut te Fierit me vendim të gjykatës së rrethit gjyqësor Fier.
Fatmir Hoxha, i akuzuar për ekzekutimin e Ahmet Toskes në vitin 2020 që pas arrestimit dhe masës së arrestit me burg nuk ka pranuar autorësinë e kësaj vrasje.
Fatmir Hoxha është arrestuar në datën 14 nëntor në aeroportin e Rinasit, duke u kthyer nga Italia, ku kishte udhëtuar bashkë me bashkëshorten, ndërsa sipas pretendimeve të avokates, po kthehej për të sqaruar akuzat e ngritura ndaj tij.
Ahmet Toska u ekzekutua 26 tetor në orën 06:00 të mëngjesit teksa viktima po shoqëronte bashkëshorten për në punë.
Një person i maskuar i afrua dhe qëlloi me një plumb në kokë.