Tiranë/ Përshtaten qendrën e masazheve për prostitucion, në pranga 4 shtetase

Policia e Tiranës ka bërë me dije se një qendër masazhesh në Tiranë përdorej për veprimtari të kundërligjshme, prostitucion. Mes të arrestuarve është edhe administratorja e qendrës.

Nga ky operacion janë proceduar në gjendje të lirë 1 shtetase e punësuar në qendrën e masazheve dhe 4 shtetas të tjerë.

Qendra e masazheve me emrin “Megu” kishte disa muaj e cila funskiononte dhe si qendër prostitucioni teksa prej disa ditësh mbahej nën vëzhgim nga efektivët. Ka qenë reklama në rrjetet sociale, konkretisht në instagram kontakti i parë ku klientët linin oraret e tyre.

Më pas edhe policia pasi ka parë reklamat në instagram e ka mbajtur disa ditë nën vëzhgim qendrën e masazheve e cila rezultoi se shftrytëzohej edhe si qendër prostitucioni. 5 vajza kanë qenë ne momentin e finalizimit të operacionit të cilat janë shoqeruar nga policia. Deri me tani njëra është lënë e lirë dhe do hetohet në gjendje të lirë. Nën hetim janë vënë dhe 5 klientë të cilët janë gjetur në qendër.

DVP Tiranë

Finalizohet nga Seksioni për Hetimin e Trafiqeve të Paligjshme, operacioni policor i koduar “Inside”.

Kishin përshtatur një qendër masazhesh, për veprimtarinë e kundërligjshme të prostitucionit, vihen në pranga 4 shtetase, njëra prej tyre administratorja e qendrës.

Procedohen në gjendje të lirë 1 shtetase e punësuar në qendrën e masazheve dhe 4 shtetas të tjerë.

Sekuestrohen 6 aparate celulare, shumat 351.000 lekë të rinj dhe 550 euro, të dyshuara të përfituara nga kjo veprimtari e paligjshme.

Specialistët e Seksionit për Hetimin e Trafiqeve të Paligjshme në DVP Tiranë, në vijim të punës për goditjen e paligjshmërisë, pas një pune të mirëfilltë hetimore, bazuar dhe në informacionet e siguruara përmes inteligjencës informative, organizuan dhe finalizuan me sukses operacionin policor të koduar “Inside”, në kuadër të të cilit u bë arrestimi në flagrancë i shtetaseve:

– Xh. K., 28 vjeçe, B. K., 23 vjeçe, A. P., 21 vjeçe dhe A. K., 26 vjeçe, të gjitha banuese në Tiranë.

Shtetasja Xh. K. administronte një qendër masazhesh, në rrugën “Margarita Tutulani”, në të cilën, përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit.

Në vijim të veprimeve, nisi procedimi në gjendje të lirë për shtetasen A. R., 31 vjeçe, punonjëse në këtë qendër masazhesh, si dhe për shtetasit E. A., 27 vjeç, E. C., 34 vjeç, S. M., 32 vjeç dhe A. P., 28 vjeç, klientë në këtë qendër masazhesh.

Në cilësinë e provës materiale u sekuestruan 6 aparate celulare, shumat 351.000 lekë të rinj dhe 550 euro, të dyshuara të përfituara nga kjo veprimtari e paligjshme.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.