‘Tempulli’/ Tentoi të fshihte 3 kg drogë në një çantë, kapet në flagrancë 25-vjeçari në Kurbin

25-vjeçari Besnik Ndreca, ka rënë në pranga pasi tentoi të fshihte lëndë narkotike në çantë, dhe e kishte gati për shitje. Ndreca u kap në flagrancë  në kuadër të megaoperacionit policor i koduar “Tempulli”, që gjithashtu ka sekuestruar çantën me lëndë narkotike, të cilën 25-vjeçari tentoi ta fshihte kur pa punonjësit e Policisë.

Njoftimi i Policisë:

Kurbin/Vijon megaoperacioni policor i koduar “Tempulli”, goditet një tjetër rast i veprimtarisë kriminale në fushën e narkotikëve.

Transportonte një çantë me lëndë të dyshuar narkotike kanabis, për ta shitur, kapet në flagrancë dhe vihet në pranga 25-vjeçari.

Sekuestrohet çanta me lëndë narkotike, të cilën 25-vjeçari tentoi ta fshihte kur pa punonjësit e Policisë.

Specialistët e Seksionit për Hetimin e Narkotikëve të Drejtorisë Vendore të Policisë Lezhë, bazuar në informacionet e siguruara nga inteligjenca policore, se një shtetas do të transportonte një çantë me lëndë të dyshuar narkotike kanabis sativa, me qëllim shitjen e saj, kanë organizuar punën në kuadër të megaoperacionit antidrogë të koduar “Tempulli”, për ndalimin e këtij shtetasi.

Në fshatin Delbnisht, Kurbin, është lokalizuar dhe ndaluar shtetasi B. N., i cili sapo ka parë shërbimet e Policisë, ka tentuar të fshehë në anë të rrugës, një çantë brenda së cilës u gjetën 3 kilogramë e 165 gramë lëndë e dyshuar narkotike cannabis sativa.

Në vijim të veprimeve procedurale u arrestua në flagrancë shtetasi B. N., 25 vjeç, banues në fshatin Delbnisht, për veprën penale “Prodhimi dhe shitja e narkotikëve”.

Lënda narkotike dhe një aparat celular u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.