Plagosja me thikë në Laprakë/ Vetëdorëzohet autori

 Janë marrë sot dëshmitë e 2 prej të plagosurve mbrëmjen e djeshme në Laprakë, 40-vjeçares Roxhersa Rrapollari dhe bashkëshortit të saj italian, për të zbuluar dinamikën dhe motivet e ngjarjes.

Ata kanë pohuar se autori Elton Mergjyshi kishte sapo shkuar te lokali ku ndodheshin, fillimisht ka debatuar me italianin duke i kërkuar llogari pse e kishte hequr nga puna. Në debat e sipër ai ka nxjerr thikën dhe ka plagosur fillimisht 64-vjeçarin Viktor Rrapollari, pasi ka dashur të ndërhyjë për të qetësuar situatën. Sipas dëshmisë së vajzës së tij, ka treguar se kur ka parë të atin të plagosur ka ndërhyrë dhe në këtë çast agresori e ka qëlluar në dorë.

Më pas Mergjyshi ka plagosur në kraharor italianin Massimo Sorvillo, i cili e kishte marrë me qira lokalin ku ndodhi ngjarja. 47-vjeçari italian ka marrë automjetin e tij me targa italiane dhe ka shkuar vetë në Spitalin e Traumës bashkë me bashkëshorten dhe babain e saj.

Dëshmia e 64-vjeçarit Viktor Rrapollari nuk është marrë ende nga grupi hetimor pasi është në gjendje më të rëndë se dy të plagosurit e tjerë. Vetë italiani Sorvillo ka deklaruar për policinë se e kishte pushuar pasi nuk i pëlqente puna e tij.

Në deklarimet paraprake, Mergjyshi ka pretenduar se italiani e kishte hequr pa të drejtë nga puna, pasi e kishte ndihmuar për të hapur fabrikën, për të blerë pajisjet etj. Sipas tij kur ka kaluar tek lokali tre të plagosurit e kanë provokuar dhe i ka qëlluar më pas.

Altin Merxhushi pas nje konflikti per motive te dobta ka goditur me thike shtetasit;
1 Roxhersa Rrapollari 40 vjeçe
2 Viktor rrapollari 64 vjec
3 Masimo Sorvilo 45 vjec

DVP Tiranë

Specialistët për Hetimin e Krimeve të Komisariatit të Policisë Nr. 3 arrestuan shtetasin A. M.(D.), 47 vjeç, banues në Tiranë, pasi mbrëmjen e djeshme, në ambientet e një lokali, në rrugën “Riza Cuka”, pas një konflikti për motive të dobëta, ka goditur me mjet prerës shtetasit M. S., 44 vjeç, R. Rr., 40 vjeçe dhe V. Rr., 63 vjeç, të cilët si pasojë janë dëmtuar dhe ndodhen në spital, jashtë rrezikut për jetën.

Specialistët për Hetimin e Krimeve të Komisariatit të Policisë Kavajë arrestuan shtetasin P. S., 24 vjeç, banues në Durrës, si dhe nisi procedimi penal për shtetasin E. P., 22 vjeç, banues në Durrës. Gjatë kontrollit fizik ndaj shtetasit P. S., shërbimet e Policisë i gjetën dhe i sekuestruan sasi lënde të dyshuar narkotike kanabis, ndërsa gjatë kontrollit të automjetit që drejtonte shtetasi E. P. (në të cilin ishte pasagjer shtetasi P. S.) gjetën pajisje që shërbejnë për grirjen e lëndëve narkotike.

Specialistët për Hetimin e Krimeve të Komisariatit të Policisë Nr. 2 referuan materialet në Prokurori, për një shtetas të mitur 17 vjeç, dhe po punojnë për kapjen e shtetasit A. M., 20 vjeç, të dy banues në Tiranë, pasi ditën e djeshme, në rrugën “Sami Frashëri”, kanë goditur me mjet prerës shtetasin B. C., 18 vjeç, i cili pasi ka marrë mjekimin në spital është larguar në banesë.
—
Specialistët për Hetimin e Krimeve të Komisariatit të Policisë Nr. 1 referuan materialet në Prokurori dhe shpallën në kërkim dy shtetas 17 vjeç, pasi në rrugën “Ali Demi”, në bashkëpunim me shtetas të tjerë, janë konfliktuar me një shtetas të mitur, në automjetin e tyre dhe më pas në një lokal. Punohet për kapjen e 2 të miturve dhe identifikimin e shtetasve të tjerë të përfshirë.

Materialet i kaluan Prokurorisë, për veprime të mëtejshme procedurale.

https://replika.al/video-dalin-detaje-te-reja-nga-plagosja-ne-laprake-te-plagosur-babe-e-bije-dhe-dhendri-italian/