Lushnje/ E reja përplas për vdekje me makinë një 70 vjeçar
Një aksident i rëndë ka ndodhur ditën e sotme në qytetin e Lushnjes, pasi drejtuesja 26-vjeçare e një automjeti tip “Toyota” ka përplasur një të moshuar që lëvizte me biçikletë.
Mësohet se ngjarja ka ndodhur rreth orës 09:45, në aksin rrugor “Lushnjë-Rrogozhinë”, kur e reja është përplasur me biçikletën me drejtues shtetasin V. D., 70 vjeç, i cili ka ndërruar jetë.
Sakaq, shtetasja A. Xh. është shoqëruar në Komisariat, me të cilën po kryhen veprimet hetimore.
Njoftimi i Policisë:
Lushnjë/Informacion paraprak
Rreth orës 09:45, në aksin rrugor “Lushnjë-Rrogozhinë”, në fshatin Golem, automjeti me drejtuese shtetasen A. Xh., 26 vjeçe, është përplasur me biçikletën me drejtues shtetasin V. D., 70 vjeç, banues në Golem, i cili ka ndërruar jetë.
Shtetasja A. Xh. është shoqëruar në Komisariat, me të cilën po kryhen veprimet hetimore.