I shpallur në kërkim për kultivim kanabisi, arrestohet 44-vjeçari në Malësinë e Madhe
Një 44-vjeçar i cili ishte shpallur në kërkim për kultivim kanabisi në Malësinë e Madhe është vënë në pranga të policisë.
Në kuadër të operacionit antikanabis i koduar “Vukpalaj”, u zbulua se 44-vjeçari ishte bashkëpunëtor në kultivimin e bimëve narkotike të cilat u asgjësuan nga policia.
44-vjeçari, në bashkëpunim me shtetasin P. K., e arrestuar në flagrancë gjatë operacionit “Vukpalaj”, të zhvilluar më datë 2 qershor 2023, kishin kultivuar në territorin e fshatit Vukpalaj, Malësi e Madhe, 116 bimë kanabis të cilat u asgjësuan nga Policia, nëpërmjet djegies.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.