Grabitet argjendaria në Kamëz/ Policia mbërrin në vendngjarje
Një argjendari është grabitur këtë të martë në Kamëz.
Nga informacionet paraprake, mësohet se hajduti ka marrë disa bizhuteri floriri që ndodheshin mbi tavolinë për shitje.
Njoftimi i Policisë:
Kamëz/Informacion paraprak
Më datë 28.11.2023, rreth orës 17:15, në rrugën “Nënë Tereza”, tre persona të maskuar, nën kërcënimin e një sendi të dyshuar si armë zjarri automatik, kanë marrë disa bizhuteri në argjendarinë e shtetases E. S., dhe më pas janë larguar me një automjet tip “BMW”.
Shërbimet Policisë kanë shkuar menjëherë në vendngjarje.
Janë ngritur pikat e përkohshme të kontrollit në qarqet Tiranë, Durrës, Lezhë, Kukës dhe Shkodër.
Për këtë rast është krijuar një grup i posaçëm hetimor me specialistë të strukturave të posaçme të luftës kundër krimeve të rënda.
Grupi hetimor mbi bazën e të dhënave të administruara po punon për zbardhjen e dokumentimin e autorësisë të kësaj ngjarje.