Gjirokastër/ I mori 2 mijë euro një gruaje përmes mashtrimit, arrestohet 55-vjeçari
Një 55-vjeçar ka rënë në prangat e policisë së Gjirokastrës, pasi akuzohet se përmes mashtrimit i ka marrë një shumë prej 2 mijë eurosh një gruaje.
Pas hekurave përfundoi shtetasi me inicialet F. K., 55 vjeç, banues në Tiranë.
Njoftimi i Policisë:
Ishte shpallur në kërkim pasi i mori 2000 euro, një 63-vjeçareje, duke e mashtruar në komunikimet në rrjetet sociale, kapet dhe vihet në pranga 55-vjeçari.
Si rezultat i kontrolleve të mbështetura te informacionet e siguruara nga inteligjenca policore dhe të kryera në vijim të operacionit policor kombëtar të koduar “Sundimi i ligjit”, shërbimet e Komisariatit të Policisë Nr. 5 Tiranë në bashkëpunim me specialistët për Hetimin e Krimeve Ekonomike dhe Financiare në DVP Gjirokastër kapën dhe ndaluan shtetasin e shpallur në kërkim:
F. K., 55 vjeç, banues në Tiranë.