(Emri) Ndalohet në Rinas, një tjetër shtetas i shpallur në kërkim gjatë një megaoperacioni policor
Shërbimet e Policisë kanë identifikuar dhe ndaluar shtetasin Alban Bengasi, në hyrje të aeroportit të Rinasit, gjatë përpunimit të dokumentacionit të pasagjerëve.
Sipas burimeve policore ishte i shpallur në kërkim për përfshirje në veprimtari kriminale kundër personit dhe në fushën e krimit të organizuar.
Njoftimi i Policisë:
Vijon megaoperacioni policor i koduar “Golden Bullet”.
Ndalohet në Rinas, një shtetas tjetër i shpallur në kërkim gjatë këtij megaoperacioni.
Në hyrje, në aeroportin e Rinasit, gjatë përpunimit të dokumentacionit të pasagjerëve, shërbimet e Policisë kanë identifikuar dhe ndaluar shtetasin Alban Bengasi
Ndaj këtij shtetasi, Gjykata e Posaçme e Shkallës së Parë për Korrupsionin dhe Krimin e Organizuar, ka caktuar masën e sigurisë “Arrest në burg”, mbi dyshime për përfshirje në veprimtari kriminale kundër personit dhe në fushën e krimit të organizuar.
Materialet procedurale i kaluan SPAK-ut, për veprime të mëtejshme