Qyteti i Vlorës mban rekord sa i takon numrit të vjedhjeve të automjeteve. Në vend të dytë pas saj, vjen Shkodra. Thënë më qartë, dy qytete ku lulëzon e ka zënë vend krimi.
Herë si mesazhe nga grupet kriminale, herë mesazhe ndaj drejtësisë, është kjo forma e paralajmërimit që kanë zgjedhur këto qytete.
I shndërruar në një problem serioz, pas shumë kohësh, Policia e Vlorës ka arritur të vendosë në pranga një shtetas që merrte përsipër të kryente këtë vepër penale. Kështu ka rënë në prangat e policisë një 31 vjeçar, arrestuar në kushtet e flagrancës. Bashkë me të janë identifikuar edhe 3 persona të tjerë, të cilët vijojnë të jenë në hetim.
Njoftimi i policisë së Vlorës:
Hetime të thelluara proaktive për zbardhjen e rasteve të ndodhura më parë, të djegies së pronës private, me zjarr.
Në kuadër të operacionit policor të koduar “Flames”, dokumentohen 4 raste të djegies së automjeteve, në qytetin e Vlorës. Arrestohet në flagrancë, në tentativë për të djegur një automjet, një 31-vjeçar. Më herët, në kuadër të këtj operacioni, si rezultat i hetimeve të thelluara është shpallur në kërkim 1 shtetas tjetër. Zbardhen edhe 3 raste të djegies të automjeteve, identifikohen autorët, por nuk bëhen me dije të dhënat e tyre pasi vijojnë hetimet dhe puna operative.
Strukturat hetimore të Komisariatit të Policisë Vlorë, të mbështetura nga inteligjenca informative dhe si rezultat i provave të siguruara nga një hetim i ndjekur intensivisht me metoda speciale proaktive për disa javë, nisur dhe nga rastet e shkatërrimit të pronës me zjarr, kryesisht të automjeteve, gjatë muajve dhjetor dhe janar, organizuan dhe finalizuan operacionin policor të koduar “Flames”, në kuadër të të cilit u kryen një sërë veprimesh procedurale, konkretisht:
Shërbimet e Policisë arrestuan në flagrancë shtetasin R. Ll., 31 vjeç, banues në Vlorë, pasi mbrëmjen e djeshme, në lagjen “Hajro Çakërri”, ka tentuar të djegë me lëndë djegëse një automjet tip “BMË”, të parkuar, i cili është dëmtuar pjesërisht në pjesën e përparme.
Po në vijim të punës për zbardhjen e rasteve të shkatërrimit të pronës me zjarr, është shpallur në kërkim, më datë 30.12.2021, shtetasi Q. M., 39 vjeç, banues në lagjen “Hajro Çakërri”, Vlorë, i cili dogji me zjarr një dyqan me mallra industrialë dhe tentoi të digjte një automjet, të dyja në pronësi të shtetasit F. V.
Gjithashtu, nga provat e siguruara si rezultat i hetimit me metoda proaktive është bërë dokumentimi i ngjarjes së ndodhur më datë 30.12.2021 dhe shpallja në kërkim e 3 autorëve të dyshuar, të dhënat e të cilëve nuk mund të bëhen publike për shkak të hetimit që vijon. Këta 3 shtetas dyshohen se kanë djegur me zjarr 3 automjete, në pronësi të shtetasve E. K., D. S. dhe K. S. Vijon puna intensive për kapjen dhe ndalimin e tyre.
Strukturat e Komisariatit të Policisë Vlorë, në bashkëpunim me Prokurorinë pranë Gjykatës së Rrethit Gjyqësor Vlorë, vijojnë hetimet për zbardhjen e rasteve të tjera të shkatërrimit të pronës me zjarr dhe identifikimin dhe vënien në pranga të autorëve përgjegjës për këtë veprimtari kriminale.
Materiale procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
#angazhimpërkushtimsakrificë👮️🚔
#tëvendosurkundërkrimit✅
#nëçdoskajtëvendit🇦🇱
#nëshërbimtëqytetarëve👮️🤝