Zelensky pas telefonatës Trump-Putin: Evropa duhet të jetë në tryezën e bisedimeve
Presidenti i Ukrainës, Volodymyr Zelensky, ka reaguar pas telefonatës mes ish-presidentit amerikan, Donald Trump, dhe presidentit rus, Vladimir Putin, duke përsëritur thirrjen e tij që Evropa të jetë pjesë e bisedimeve për të ardhmen e Ukrainës.
Gjatë një vizite në Finlandë, Zelensky nuk iu referua drejtpërdrejt telefonatës, por theksoi rëndësinë e përfshirjes së vendeve evropiane në çdo diskutim mbi sigurinë e kontinentit.
“Evropa duhet të jetë në tryezën e bisedimeve dhe gjithçka që lidhet me sigurinë e Evropës duhet të vendoset së bashku me Evropën,” deklaroi ai.
Presidenti ukrainas ndodhet në Finlandë së bashku me zonjën e parë, Olena Zelenska, për të zhvilluar takime me zyrtarët vendas. Sipas tij, bisedimet do të fokusohen në mbështetjen për mbrojtjen e Ukrainës, investimet në prodhimin e armëve ukrainase dhe procesin e integrimit evropian të Kievit.