Zelensky: Komandantët rusë që urdhërojnë sulme ndaj civilëve, do të përballen me drejtësinë
Presidenti i Ukrainës, Volodymyr Zelensky, përshëndeti sot lëshimin e një urdhër-arresti nga Gjykata Penale Ndërkombëtare (ICC) për dy komandantët rusë, të cilët akuzohen për krime lufte në lidhje me bombardimet në Ukrainë.
“Çdo komandant rus që urdhëron sulme ndaj civilëve ukrainas dhe infrastrukturës së rëndësishme duhet ta dijë se drejtësia do të vijë tek ai”, shkroi Zelensky në rrjetin social X.
ICC njoftoi më herët sot se ka lëshuar urdhër-arrest për një gjeneral-lejtnant të forcave të armatosura ruse dhe një admiral të marinës ruse, për krime të dyshuara lufte të kryera në Ukrainë.
Gjykata lëshoi urdhra arresti për dy persona, Sergej Kobilach dhe Viktor Sokolov, në kontekstin e situatës në Ukrainë për krime të dyshuara të kryera midis 10 tetorit 2022 dhe 9 marsit 2023.
Në pranverën e vitit 2023, GJNP lëshoi një urdhër arresti për presidentin rus Vladimir Putin, për shkak të rolit të tij të dyshuar në dëbimin e fëmijëve.