Replika Lajme
Related Articles
Ministri i Jashtëm i Turqisë, Mevlut Cavusoglu ka deklaruar se të gjitha çështjet ekzistuese midis Athinës dhe Ankarasë duhet t’i referohen një gjykate ndërkombëtare, por “në tërësi” dhe paralajmëroi se përndryshe marrëdhëniet dypalëshe mund të mos zgjasin. Në një intervistë për A Haber TV, Cavusoglu argumentoi në mënyrë specifike për një “zgjidhje paketë për të gjitha çështjet”.
Greqia ka thënë vazhdimisht se favorizon dialogun me Turqinë, por nuk do të diskutojë çështje që i konsideron të drejta sovrane. Ministri i Jashtëm i Turqisë propozoi një zgjidhje “paketë” për të gjitha çështjet. Në mënyrë që këto çështje t’i referohen një gjykate ndërkombëtare, Turqia dhe Greqia duhet të bien dakord, tha ai. “Dhe ne nuk duhet të jemi selektivë, duhet të shkojmë në të gjitha çështjet,” vuri në dukje ai, duke paralajmëruar se nëse nuk ka zgjidhje për këto çështje, tensionet pashmangshmërisht mund të rriten përsëri.
Ndërkohë, presidenti i Turqisë Rexhep Tajip Erdogan iu referua sërish doktrinës “Atdheu Blu”, e cila parashikon sipërfaqe të mëdha të Mesdheut nën ndikimin turk. Erdogan argumentoi se “siguria e Atdheut Blu është bërë shumë e rëndësishme në periudhën kritike që po kalojmë. Kjo qëndron prapa përpjekjeve tona për të pasur një flotë më të fortë dhe më parandaluese për vendin tonë.” Ai tha se TCG Anadolu nënkupton dhe vërteton pozicionin e Turqisë në rajon dhe në botë. Me të, tha ai, Turqia do të jetë në gjendje të lëvizë forcat me lehtësi në Egje, Mesdhe dhe Detin e Zi.
