Sunak: Projektligji i emigrantëve do të marrë jetë, nuk ka më hyrje ilegale
Kryeministri britanik Rishi Sunak fajësoi inflacionin për pandeminë dhe pushtimin e Rusisë në Ukrainë gjatë një interviste . “Situata tani është se për shkak të luftës, për shkak të pandemisë, inflacioni është shumë i lartë. Kjo është arsyeja pse prioriteti im numër një është përgjysmimi i inflacionit,” tha Sunak.
I pyetur për krizën e emigrantëve dhe procesin e deportimit të azilkërkuesve në Ruandë, kryeministri shpjegoi se po priste që të përfundonin procedurat gjyqësore përpara se të fillonin fluturimet për në vendin afrikan.
Ai theksoi “nëse vini në këtë vend ilegalisht, nuk do të mund të qëndroni, do të ndaloheni dhe do të largoheni me shpejtësi ose në shtëpinë tuaj nëse është e sigurt ose në një alternativë të sigurt, Ruanda.”
Ministri britanik i financave Jeremy Hunt prezantoi buxhetin e qeverisë në një fjalim një orë në Parlament javën e kaluar. Ai u përpoq të rigjallëronte ekonominë në stanjacion të Britanisë me një përzierje reformash të kujdesit për fëmijët dhe pensioneve për t’i tunduar njerëzit të kthehen në punë, si dhe lehtësime tatimore të korporatave për të rritur investimet e dobëta të biznesit.
Ministrja e Brendshme britanike Suella Braverman vizitoi Ruandën javën e kaluar për të zgjeruar një marrëveshje sipas së cilës vendi i Afrikës Lindore do të pranojë emigrantët që mbërrijnë në Britani pa leje, nëse gjykatat britanike konfirmojnë se propozimet janë të ligjshme.