Replika Lajme
Related Articles
Të afërmit e atyre që humbën në një përplasje treni vdekjeprurës pritën jashtë një spitali në Larisa për të dashurit e tyre. Mes tyre ishin edhe prindërit Pano dhe Mirela Ruçi, të cilët prej tre ditësh presin në spital për të dëgjuar lajmin për djalin e tyre 22-vjeçar Denis, i cili kishte udhëtuar në Athinë për të takuar miqtë dhe po kthehej në shtëpi.
Duke shfaqur një foto të djalit të tyre në celular, ata bënë thirrje për çdo personi që ka informacion informacion rreth vendndodhjes së tij natën e përplasjes në vagonin 5 të trenit. Ata folën për herë të fundit me djalin e tyre pak para përplasjes, ku ai u tha se do të mbërrinte vonë dhe të mos vinin herët për ta marrë.
MIRELA RUÇI MAMAJA E DENIS : Nëse dikush mund të më thotë nëse ai ishte në vendin e tij në momentin e përplasjes, kjo është ajo që dua të pyes nëse dikush e ka parë atë. Kam dhënë ADN, nuk kam asnjë lajm për momentin. Unë u bëj thirrje atyre që u shpëtuan në atë vagon nëse dikush e njohu, nëse mund të më kontaktojnë.
https://youtu.be/QuVzwESfZGc
PANO RUÇI BABAI I DENIS:Unë jam ende në pritje të telefonatës së tij. E vranë, kështu ndodhi. Ata janë vrasës, të gjithë. Kemi tre ditë këtu, pa gjumë, pa lajme, asgjë. Kush ka lajme për të, nëse do të ishte ulur pranë tij, a mund të na tregonte. A ishte ai atje? A ishte ai në një vagon tjetër? Dikush të paktën të na thotë diçka!
Sipas policisë, të paktën 57 kanë vdekur në aksident, 48 janë shtruar në spital nga të cilët gjashtë në terapi intensive dhe 56 persona janë raportuar të zhdukur deri më tani. Evgenia Micka, Klaudia Lato dhe Pavli Bozo janë gjithashtu tre shqiptarët e tjerë qe rezultojne te zhdukur qe nga e marta kur ndodhi tragjedia hekurodhore në veri të Greqisë.
Autoritetet po bëjnë identifikimin e trupave te gjetura te karbonizuar nëpërmjet ADN-së. Pavli Bozo prej më shumë se 10 vitesh, punonte në trenin nr. 62 në sektorin e përgatitjes së ushqimit. Klaudia Lato, edhe pse nuk ka kombësi shqiptare, ka dy prindër shqiptarë. Familjarët e saj presin një përgjigje pasi kane dhene monstrat per ADN-ne qe do te ndihmonte mjeket ne identifikimin e mundshem.
Eksperte thone se treni i pasagjerëve po dilte nga një tunel, nëse do të kishte shikueshmëri më të mirë qoftë edhe në një distancë prej një kilometër, ndoshta drejtuesit e mjeteve do të kishin frenuar për të ulur disi shpejtësinë. Ekspertët e sigurisë theksojnë se nëse aksidenti do të kishte ndodhur brenda tunelit, humbjet do të ishin më të mëdha. Ndërkaq Shqipëria në shenjë solidariteti me Greqinë ka shpallur datën 5 mars ditë zie kombëtare.
