Po shikonte ndeshjen Shqipëri-Itali, 23-vjeçari qëllohet me armë në Berlin, ja shkaku i sherrit dhe gjendja e tij shëndetësore
Në person i panjohur ka qëlluar me armë zjarri një 23-vjeçar dhe një 19-vjeçar në Berlin-Moabit mbrëmjen e së shtunës. 23-vjeçari u plagos në një krah dhe një këmbë dhe u dërgua në spital, ku u operua.
“Nuk ka rrezik për jetën. Në këtë moment nuk kemi asnjë informacion se ka lidhje me Kampionatin Evropian apo ndonjë sport tjetër”, tha zëdhënësi i policisë.
Sipas të dhënave të mëparshme, i panjohuri ka qëlluar me armë zjarri dy burrat në trotuar në Rathenower Strasse rreth orës 22:00.
“U qëllua më shumë se një e shtënë”, tha zëdhënësi.
Mediat raportojnë se ngjarja dyshohet se ka ndodhur për shkak të një konflikti që kishte lidhje pikërisht me sfidën Itali-Shqipëri, e cila përfundoi me rezultatin 2-1.