Replika Lajme
Related Articles
Mes rrënojave të shumta kërkimet sa vijnë dhe vështirësohen për shkak edhe të motit të ftohtë me temperatura nën zero gradë.
Disa prej shpëtimtarëve tanimë kanë marrë statusin hero. Pamjet që kanë prekur mbarë botën janë ato, të shpëtimit të fëmijëve
Një djalë i befasuar pyet shpëtimtarët turq se çfarë ndodhi. “Asgjë nuk ndodhi, ne të shpëtuam. Ti je hero”, u përgjigj njëri nga burrat.
Dy fëmijë janë nxjerrë nga rrënojat, 36 orë pas tërmetit të së hënës në Sirinë veriore. Mediat shkruajnë se dy fëmijët ishin bllokuar në rrënojat e shtëpisë së tyre. Pamjet e dy të vegjëlve duke shtrënguar njëri-tjetrin i prekën të gjithë.
“Më largoni nga këtu, unë do të bëhem skallve e juaja “, dëgjohet teksa u thotë vogëlushja ekipit të shpëtimit. Vëllai i saj quhet Ilaaf, emër islamik që sipas babait të tyre Mustafa Zuhir Al-Sayed përkthehet mbrojtje. Al-Sayed tha se familja e tij recitoi Kuranin dhe u lut me zë të lartë që dikush t’i gjente.
“Njerëzit na dëgjuan dhe ne u shpëtuam, unë, gruaja ime dhe fëmijët. Faleminderit Zotit, të gjithë jemi gjallë dhe falënderojmë ata që na shpëtuan”, tha ai. Pas shpëtimit të Miriam dhe Ilaaf banorë të zonës kanë brohoritur nga gëzimi, ndërsa fëmijët u dërguan në spital ku do të marrin kujdesin shëndetësor.
Një mrekulli e vertetë është shpëtimi i foshnjeve që lindën nën rrënoja nga nënat e tyre. Autoriteteve iu desh mbi 40 orë kërkime për të shpëtuar foshnjen nga rrënojat në Malatya.
Ndërkaq edhe një fëmijë 5 vjeçar i quajtur Mohummad u shpëtua nga rrënojat gati 45 orësh në Hatay, ndërsa shpëtimtarët iu dha ujë për të pirë nga një tapë shishe.
Pasgoditje të shumta vazhdojnë të godasin Sirinë, duke shkaktuar tronditje tek banorët. Shumë prej tyre kanë mbetur të traumatizuar nga fatkeqësia e tmerrshme. Gjithashtu edhe shpëtimi i kafshëve ka marrë vëmendje. Gjysmëhëna e Kuqe Turke nxori një papagall nga rrënojat e një ndërtese të shembur në Malatya pas rreth 50 orësh që nga tërmeti. Papagalli kishte një krah te thyer, u fut në një kuti dhe u mor me vete, ndërsa një ditë më parë edhe një kotele e vogël u nxorrë nga shpëtimtarët në një nga provincat e dëmtuara nga tërmeti.
