Mbi 1,600 tërmete në dy javë, banorët braktisin gjithçka dhe …

Dhjetëra banorë janë detyruar të largohen nga shtëpitë e tyre pas dy javësh tërmetesh të forta. Lëkundjet kanë qenë të vazhdueshme dhe ka pasur më shumë se 1,600 lëkundje pasuese në javët e fundit.

Në ishullin Akuseki të Japonisë një nga zonat më të goditura, nuk u raportuan dëme të mëdha, edhe pas një tërmeti me magnitudë 5.1 ballë që e goditi gjatë natës. Por tërmetet që kanë vazhduar për më shumë se dy javë kanë shkaktuar stres

Për banorët e zonës, shumë prej të cilëve vuajnë nga mungesa e gjumit. Nga 89 banorët e Akuseki, 44 u evakuuan në kryeqytetin rajonal të Kagoshima të dielën, dhe 15 të tjerë ikën gjithashtu në një ishull fqinj, tha Kubo në një konferencë për shtyp.

Në ishullin Akuseki, i cili i përket kompleksit të ishujve Tokara, i cili ndodhet në jug të prefekturës Kyushu, që nga 21 qershori kanë ndodhur më shumë se 1,600 tërmete. Komuna, e cila përbëhet nga 7 ishuj të banuar dhe 5 të pabanuar, ndodhet afërsisht 11 orë me traget nga Kagoshima.

Ekspertët vlerësojnë se ky fenomen mund të jetë për shkak të një vullkani nënujor dhe rrjedhave të magmës dhe sqarojnë se është e pamundur për ta të parashikojnë se sa do të zgjasin tërmetet.

“Nuk mund të parashikojmë se çfarë mund të ndodhë. Nuk e dimë se kur do të mbarojë kjo”, u tha Kubo gazetarëve. Grupi i ishujve Tokara përjetoi një periudhë të ngjashme me aktivitet të fortë sizmik në shtator 2023, kur u regjistruan 346 tërmete, sipas Agjencisë Meteorologjike të Japonisë (JMA).

Japonia ndodhet në pikën ku takohen katër pllaka kryesore tektonike, në zemër të “unazës së zjarrit” të Paqësorit, duke e bërë atë një nga vendet më sizmikisht aktive në botë. Arkipelagu me rreth 125 milionë banorë regjistron rreth 1,500 tërmete në vit, ose rreth 18% të tërmeteve që ndodhin në të gjithë botën.

Autoritetet japoneze janë veçanërisht të shqetësuara për një tërmet të madh në çarjen Nankai, një çarje nënujore rreth 800 kilometra (500 milje) e gjerë përgjatë bregdetit të Paqësorit. Tërmete të tilla ndodhin përafërsisht çdo 100 deri në 200 vjet, me të fundit të regjistruar në vitin 1946.

Japonia paraqiti një plan të ri të përditësuar për përgatitjen për fatkeqësitë të martën e kaluar, duke vlerësuar se mbetet shumë për t’u bërë për të kufizuar pasojat e një “megatërmeti” të mundshëm, i cili mund të shkaktojë deri në 300,000 vdekje në arkipelag.