Kryeministri i Ukrainës i kërkon Papa Françeskut të vizitojë vendin
Kryeministri i Ukrainës, Denys Shmyhal ka ftuar Papa Françeskun të vizitojë vendin. Gjatë një telefonate me Papën, Shmyhal tha se ai diskutoi planin e paqes në Ukrainë dhe ndihmën nga Vatikani për të përmbushur të gjitha hapat e planit të paqes të Presidentit Volodymyr Zelenskyy.
Zyrtari ukrainas tha gjithashtu se ai i kërkoi Papës ndihmë për kthimin në shtëpi të fëmijëve ukrainas që mbahen, arrestohen dhe deportohen në Rusi.
“Ne mbërritëm në Romë për të marrë pjesë në Konferencën për Rindërtimin e Ukrainës. Ne do të diskutojmë çështje urgjente me Presidentin, Kryeministrin dhe Ministrin e Mbrojtjes të Italisë, si dhe me krerët e dhomave të Parlamentit italian. Ne planifikojmë të nënshkruajmë një sërë dokumentesh dypalëshe që do të kontribuojnë në restaurimin e Ukrainës”, tha Shmyhal.
Papa Françesku, 86 vjeç, ka thënë më parë se dëshiron të vizitojë Kievin, por edhe Moskën në një mision paqeje.