Replika Lajme
Related Articles
Ministrja e Jashtme gjermane, Annalena Baerbock, i bëri thirrje Iranit që të ndalë sulmet me raketa ndaj territorit irakian.
“Regjimi iranian tregon se me sulmet me raketa nuk po shtyp vetëm popullin e tij përmes brutalitetit, por duket se është i përgatitur të rrezikojë jetë dhe stabilitetin në mbarë rajonin, për të qëndruar në pushtet”, tha Baerbock pas takimit me homologun e saj irakian, Fuad Hussein.
Kryediplomatja gjermane shtoi se Karta e Kombeve të Bashkuara në mënyrë specifike ndalon sulmet e tilla dhe kërkon që sovraniteti i shteteve të tjera të respektohet. Ndërkaq, ministri i Jashtëm i Irakut, Fuad Hussein, tha se “është e papranueshme që territori irakian të përdoret si vend për të nisur sulme ndaj shteteve fqinje” dhe bëri thirrje që sovraniteti i shtetit të tij të respektohet.
Baerbock ka paralajmëruar se “nëse terrorizmi i ri, ndikimi iranian apo shkatërrimi i jetës për shkak të krizës së ujit mund të çojnë në dhunë dhe ndarje të re politike”, gjë që sipas saj, pasojat do të ishin të mëdha edhe për shtetet e rajonit.
