Bombardimet në Bakhmut, tërhiqen forcat ukrainase

Trupat ukrainase janë detyruar të tërhiqen nga disa territore në qytetin Bakhmut në fushën e betejës, ndërsa Rusia po kryen sulme me artileri të rëndë në qytet. Inteligjenca britanike ka deklaruar se Rusia ka shtuar trupat e saj gjatë dy ditëve të fundit qytetin Bakhmut të rajonit Donetsk duke përmirësuar edhe bashkëpunimin me Grupit Wagner. Nga ana tjetër forcat ukrainase po përballen me probleme të furnizimit.

Wagner ka marrë drejtimin e palës ruse në betejën disamujore, më vdekjeprurëse e luftës për të dyja palët. Nga ana tjetër BE-ja ka shtuar në listën e sanksioneve grupin mercenar të Rusisë Wagner për “pjesëmarrje aktive në agresionin rus kundër Ukrainës”. “Fakti që Wagner është renditur dy herë “nënvizon dimensionin ndërkombëtar dhe peshën e aktiviteteve të grupit, si dhe ndikimin e tij destabilizues në vendet ku ai është aktiv,” tha këshilli në një deklaratë.

Marrja e qytetit do të ishte fitorja e parë thelbësore e Rusisë në tetë muaj që do të hapte një rrugë për të kapur më shumë territor në rajonin lindor të Donbasit të Ukrainës. Presidenti i Ukrainës Volodymyr Zelenskiy dhe zyrtarë të tjerë të lartë po u bëjnë presion aleatëve për më shumë armë që Kievi shpreson se do t’i mundësojë të nisë një kundërofensivë të madhe në mesin e këtij viti.

Ministri i jashtëm i Ukrainës ka kërkuar një ndihmë gjithëpërfshirëse në luftën në Ukrainë me qëllim çlirimin e territoreve të pushtuara, përfshirë edhe Krimenë. Ndër të tjera Kuleba u shpreh se NATO duhet të luajë një rol më të madh në sigurinë në Detin e Zi dhe të integrojë mbrojtjen ajrore dhe raketore të Ukrainës me ato të aleatëve të aleancës .

 MINISTËR I JASHTËM I UKRAINËS DMYTRO KULEBA:  Deti i Zi është i dobishëm për ta bërë të gjithë Evropën paqësore dhe të orientuar drejt së ardhmes. Fatkeqësisht, Deti i Zi është gjithashtu një objektiv sulmues se sa shpejt gjërat mund të përkeqësohen nëse dikush neglizhon kërcënimet.

Kuleba u shprej se samiti i ardhshëm i NATO-s në Vilnius do të tregojë se  është koha e duhur për të korrigjuar gabimet e së kaluarës duke bërë hapa të vendosur përpara në rrugën drejt anëtarësimit të Ukrainës në NATO, për të treguar se dera nuk është vetëm e hapur, por ka një plan të qartë se kur dhe si Ukraina do të hyjë në të.