Replika Lajme
Related Articles
Lideri bjellorus, Aleksandër Lukashenko, ka nënshkruar ligjin që lejon shqiptimin e dënimit me vdekje kundër zyrtarëve dhe ushtarakëve të dënuar për tradhti të lartë, tha zyra e tij.
Bjellorusia, aleate e ngushtë e Rusisë, është shteti i vetëm në Evropë që ende zbaton dënimin me vdekje. Ky dënim shqiptohet për krime sikurse vrasjet apo aktet e terrorizmit.
Ekzekutimet kryhen me një goditje të vetme me plumb pas koke. Ligji i ri është pjesë e ndryshimeve të Kodit Penal që synon të forcojë luftën e Bjellorusisë kundër “krimeve të ekstremistëve dhe orientimit kundër shtetit”.
Sipas ndryshimeve të miratuara nga Lukashenka, kushdo që gjendet fajtor për “diskreditimin” e forcave ushtarake bjelloruse do të përballen me burgim. Rusia ka miratuar ligj të ngjashëm pas nisjes së pushtimit të Ukrainës një vit më parë.
