Sulmuesi i Lazios, Ciro Immobile ka pësuar një aksident trafiku.
Sipas raportimit të ‘Corriere dello Sport’, sulmuesi i Lazios ka qenë duke kaluar në Ponte Matteotti kur është përplasur me tramvaj, transmeton lajmi.net.
Në aksident janë përfshirë edhe persona të tjerë, ku disa nga të plagosurit janë transportuar me autoambulancë.
Në videot e publikuara, Immobile shihet duke rrëfyer atë që ndodhi: “Tramvaji kaloi në semafor të kuq. Për fat ndihem mirë, vetëm më dhemb krahu”.
Immobile po e çonte familjen në një festë. Sipas asaj që raportohet në Itali, ishte tramvaji që nuk respektoi dritën e kuqe.
Sulmuesi dhe familja e tij aktualisht ndodhen në urgjencën për masa paraprake.
Fatmirësisht, përtej një dhimbjeje të vogël në krahun e italianit, askush nuk u lëndua rëndë.
Disa persona që ndodheshin brenda tramvajit u shtruan në spital, teksa edhe ata kanë probleme të vogla.