Vullkani Etna shkakton panik në Itali
Aeroporti kryesor ndërkombëtar i Siçilisë pësoi ndërprerje pasi Etna , vullkani më aktiv në Evropë, shpërtheu. Etna derdhi lavë dhe kolona të mëdha hiri dhe tymi deri në pesë kilometra në ajër , tha Instituti Kombëtar i Gjeofizikës dhe Vullkanologjisë i Italisë (INGV), por tanimë situata duket se është nën kontroll.
Aeroporti i Catania njoftoi udhëtarët në një përditësim se ishte rihapur për nisje, ndërsa mbërritjet ishin kufizuar përkohësisht në dy në orë. Rreth Katanias, në bregun lindor të Siçilisë, banorët dhe autoritetet dolën për të pastruar rrugët që mbetën të mbuluara me hi. Miliona pasagjerë kalojnë tranzit përmes aeroportit të Katanias çdo vit për të shijuar Siçilinë, e cila është ndër pikat më të njohura turistike të Italisë.
