Vrasje, trafik droge dhe krime të shumta/Qyteti më vdekjeprurës në botë, hapet për turistët pas tetë vjetësh
Manaus, një qytet në Brazil i njohur për shkallën e lartë të vrasjeve, trafikun e drogës dhe krimin e organizuar, ka hapur sërish dyert për turistët pas tetë vjetësh.
Pavarësisht se vendasit shpesh shmangin të dalin nga shtëpitë e tyre për shkak të dhunës nga bandat dhe bosët e drogës, qyteti ka rifituar aksesin ndërkombëtar përmes fluturimeve të reja direkte.
Linjat ajrore portugeze TAP Air kanë nisur fluturimet nga Lisbona drejt Manausit, duke ofruar tre udhëtime javore. Këto janë fluturimet e vetme direkte nga Evropa drejt Aeroportit Ndërkombëtar Eduardo Gomes të Manausit.
I vendosur në zemër të Amazonës, Manaus është një qytet me kontraste të mëdha – i njohur për bukuritë natyrore dhe njëkohësisht për nivelet alarmante të dhunës. Megjithatë, për turistët e guximshëm, rifillimi i fluturimeve krijon një mundësi për të eksploruar një nga vendet më të izoluar dhe unike të botës.