Replika Lajme
Related Articles
Gjykata e Apelit ndryshon vendimin e dënimit të Arbër Paplekajt.
Gjykata e Apelit ka dënuar me 7 vite burg, Arbër Paplekajn, pjesë e grupit për mbrojtjen e votës, drejtuar aso kohe nga Gazment Bardhi.
“Deklarim fajtor të Paplekajt për “vrasje në kushtet e tronditjes së rëndë psikike” dhe dënimin e tij me 7 vjet”, thuhet në vendim e Gjykatës së Apelit.
Vrasja e Pjerin Xhuvanit, ndodhi më 21 prill 2021, 4 ditë para zgjedhjeve parlamentare të 25 prillit. Pas një sherri verbal pasi PD dyshonte se Xhuvani ishte pjesë e një grupi që blinin vota, ndodhi vrasja e tij dhe u plagosën 4 persona të tjerë; Paulo Vuksani, Emiljano Prenga, Eltjon Bodinaku dhe Xhensila Sota.
Arbër Paplekaj ish efektiv i RENEA u vetëdorëzua dhe pranoi krimin duke thënë se e kishte qëlluar për vetëmbrojtje.
