Vrasja e Licit, një kamera sigurie mund të ketë regjistruar atentatin/ Mbi 30 plumba…
Një kamera sigurie mund të ketë regjistruar atentatin që ndodhi pasditen e sotme në Shkodër, ku mbeti i vrarë Hamza Lici dhe mbeti i plagosur Arlind Bushati.
Dyshohet se atentatorët kanë përdorur një automjet tip Land Rover, nga ku është qëlluar me breshëri automatike në drejtim të Licit dhe Bushatit.
Referuar të dhënave nga grupi i hetimit, ndaj automjetit ku ishte viktima dhe i plagosuri është qëlluar të paktën 30 herë.
Bushati ka mbetur i plagosur rëndë, ndërsa nga raportimet ka marrë një plumb në kokë, ndërkohë që Lici ka humbur jetën në vendin e ngjarjes.
Grupi hetimor ende nuk ka përcaktuar një pistë lidhur me ngjarjen e rëndë, ndërsa janë të njohura përplasjet mes fisit Lici dhe Bajrave.