Voton Tom Doshi: Nuk bëj koalicion me Berishën, do të shohim për PS-në pas rezultateve
Kreu i Partisë Socialiste për Zhvillim (PSD), Tom Doshi, ka votuar në Tiranë dhe ka shprehur besimin e tij se rezultati i partisë do të jetë shumë i mirë në të gjithë Shqipërinë. Pas hedhjes së votës në shkollën “Kongresi i Lushnjes”, Doshi theksoi se është optimist për rezultatet, por nuk mund të përcaktojë ende numrin e mandateve që do të marrë partia e tij.
Ai gjithashtu theksoi se nuk ka ndërmend të bëjë koalicion me Sali Berishën, duke e lënë të hapur mundësinë për një bashkëpunim me Partinë Socialiste, në varësi të zhvillimit të rezultateve zgjedhore.
“Sot nuk mund të përcaktoj, kam shpresë që rezultati do të jetë superist në të gjithë Shqipërinë.
Me Berishën nuk bëj koalicion, sa i përket PS do të shohin ecurinë e rezultatit”, tha Tom Doshi.