Von der Leyen: Kjo javë mund të jetë kyçe për mbylljen e luftës në Ukrainë
Presidentja e Komisionit Evropian, Ursula von der Leyen, ka deklaruar se kjo javë mund të jetë vendimtare për përfundimin e luftës në Ukrainë, duke theksuar rëndësinë e krijimit të kushteve për t’i dhënë fund agresionit rus.
Gjatë një takimi në Romë me kryeministren italiane Giorgia Meloni dhe zëvendëspresidentin amerikan J.D. Vance, von der Leyen theksoi se të gjithë partnerët janë të angazhuar për arritjen e një paqeje të qëndrueshme dhe të drejtë.
“Ne po punojmë së bashku për t’i dhënë fund kësaj lufte dhe për të siguruar një të ardhme më të sigurt për Ukrainën dhe për gjithë Evropën,” tha ajo, duke shprehur mirënjohjen për përpjekjet e aleatëve perëndimorë në këtë drejtim.