Replika Lajme
Related Articles
Një 36-vjeçar ka rënë në prangat e policisë së Kuçovës, pasi akuzohet për vjedhjen e dy banesave. Në kuadër të operacionit policor të koduar “The end”, u bë identifikimi, dhe arrestimi i të riut Ersid Kosova.
NJOFTIMI I POLICISE
Policia zbardh 2 vjedhje të kryera gjatë 24 orëve të fundit. Finalizohet operacioni policor i koduar “The end”, ndërsa në pranga ra Ersid Kosova. Vodhi bizhuteri dhe sende të tjera me vlerë, në 2 banesa, si rezultat i veprimeve të shpejta nga Policia, identifikohet, kapet dhe vihet në pranga 36-vjeçari. Në vijim të punës për parandalimin e vjedhjeve, zbardhjen e atyre të ndodhura më parë, identifikimin dhe kapjen e autorëve, specialistët për Hetimin e Krimeve të Komisariatit Policisë Kuçovë, falë veprimeve të shpejta profesionale dhe hetimore, bënë të mundur zbardhjen e 2 vjedhjeve të ndodhura gjatë 24 orëve të fundit, në Kuçovë.
Si rezultat i provave të siguruara në kuadër të operacionit policor të koduar “The end”, u bë identifikimi, kapja dhe arrestimi i shtetasit E. K., 36 vjeç, banues në Kuçovë.
Ky shtetas dyshohet se gjatë orëve të para të datës 02.03.2024, ka vjedhur në banesën e shtetasit E. Z. dhe në banesën e shtetasit Ç. K., bizhuteri dhe sende të tjera me vlerë.
Strukturat hetimore të Komisariatit të Policisë Kuçovë, në bashkëpunim me Prokurorinë, vijojnë punën për dokumentimin e plotë ligjor të këtyre dy rasteve, si dhe për zbardhjen e rasteve të tjera të vjedhjes që mund të jenë kryer nga ky shtetas.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
