Vlorë/ Policia Rrugore arreston 7 persona, mbi 1800 masa administrative gjatë aksionit kundër shoferëve “rebelë”
Policia Rrugore e DVP Vlorë ka vijuar aksionin e saj të kontrollit të shtuar për të rritur sigurinë rrugore dhe për të parandaluar aksidentet. Gjatë 24 orëve të fundit, autoritetet kanë arrestuar 3 drejtues mjetesh që qarkullonin nën efektin e alkoolit. Personat e arrestuar janë: G. I., 39 vjeç, banues në Vlorë, E. Sh., 39 vjeç, banues në Kavajë, dhe D. F., 46 vjeç, banues në Sarandë.
Përveç arrestimeve, gjatë 10 ditëve të fundit janë marrë gjithsej 1804 masa administrative për shkelje të ndryshme të Kodit Rrugor. Ndër shkeljet më të shpeshta janë: mosvendosja e rripit të sigurimit (124 masa), përdorimi i celularit gjatë drejtimit të mjetit (53 masa), drejtimi i mjetit nën efektin e alkoolit (12 masa), dhe tejkalimi i shpejtësisë (316 masa). Policia ka theksuar se ky aksion do të vazhdojë për të siguruar rrugët dhe për të ndëshkuar çdo shkelës të rregullave të trafikut.