Muri mbrojtës në krah të rrugës kryesore në zonën e “Ujit të Ftohtë” në Vlorë është shembur ditën e sotme.
Si pasojë gurët kanë bllokuar rrugën dhe për disa orë e kanë bërë aksin të pakalueshëm.
Mësohet se aktualisht në këtë rrugë, mund të kalohet vetëm në njërën korsi ndërkohë punonjësit ndodhen në vendin e ngjarjes dhe po largojnë gurët nga rruga.
Por situata paraqitet delikate, pasi rrezikon të shembet edhe pjesa tjetër.